०५ फाल्गुन २०७५, काठमाडौं
स्पेनिस ला लिगाअन्तर्गत गएराती भएको खेलमा बार्सिलोनाले रियल भालाडोलिडलाई पराजित गरेको छ ।
घरेलु मैदानमा शनिबार राति भएको खेलमा बार्सिलोनाले भालाडोलिडमाथि १–० को जित निकाल्यो । बार्साका लियोनल मेस्सीले निर्णायक गोल गरे । ४३ औं मिनेटमा पेनाल्टी मार्फत एक गोल गरेका मेस्सीले अर्को एउटा पेनाल्टी अवसर भने खेर फालेका थिए ।
जितपछि २४ खेलबाट ५४ अंक जोडेको बार्सिलोनाले शीर्ष स्थानमा कायमै छ । ला लिगा फुटबलकै अर्को खेलमा रायो भाएकानोलाई १–० ले हराउँदे एथ्लेटिको मड्रिड तालिकाको दोस्रो स्थानमा उक्लिएको छ ।
