०७ फाल्गुन २०७५, काठमाडौं
एफ ए फुटबलमा म्यानचेष्टर क्लबले क्वाटरफाईलसम्मको यात्रा सुरक्षित गरेको छ । आईतबार राति भएको खेलमा म्यानचेष्टर युनाइटेडले चेल्सीलाई २–० गोलअन्तरले पराजित गर्दै क्वाटरफाईनलमा पुगेको हो ।
उसको लागि जितमा एन्डर हेरिरा र पाउल पोग्बाले गोल गरे । म्यानचेष्टर युनाइटेडले दुवै गोल पहिलो हाफमा गरेको थियो । हेरिराले खेलको ३१औं मिनेटमा गोल गर्दै म्यानचेष्टर युनाइटेडलाई अग्रता दिलाएका थिए । ४५औं मिनेटमा पोग्बाले गोल गर्दै म्यानचेष्टर युनाइटेडलाई २–० गोलको अग्रता दिलाए ।
पहिलो हाफमा २–० गोलले अग्रता बनाएको म्यानचेष्टर युनाइटेडले दोस्रो हाफमा आफ्नो अग्रतालाई कायमै राख्न सफल भयो । म्यानचेष्टर युनाइटेडविरुद्ध अधिकांश समय बल नियन्त्रणमा राखेको चेल्सीले गोल गर्न भने सकेन ।
