०७ फागुन २०७५, काठमाडौँ
कट्रिना कैफ बलिउडकी निकै चर्चित् नायिका हुन् । उनले बलिउडमा छोटो समयमा नै धेरै सफलता हासिल गर्न सफल भइन् । अहिले उनी बलिउडकी निकै डिमाण्डेड र व्यस्त नायिका बनिसकेकी छिन् ।
यतिबेला भने उनी चलचित्र भारत मा व्यस्त छिन् । जहाँ उनको जोडी सलमान खानसँग बाधिएको छ । केहीदिन अगाडी मात्र सम्पन्न भएको फिल्म फेयर अवार्डमा कट्रिनाले आफ्ना आन्तरिक कुरा बताएकी छिन् । स्मरण रहोस अहिले कट्रिना सिंगल छिन् ।
उनले आफू सिंगल रहन नचाहेको बताइन् । सिंगल लाइफ दिक्क लाग्दो हुने उनको भनाइ छ । उनले २०१९ भित्रमा ब्याईफ्रेण्ड बनाउने योजना रहेको बताइन् । त्यसबाहेक उनले आफ्नो एउटा प्रोडक्सन हाउस बनाउने पनि योजना रहेको बताइन् ।
