०८ फाल्गुन २०७५, काठमाडौं
नेपाली राष्ट्रिय फुटबल टोलीका प्रशिक्षक योहान कालिन भोली नेपाल आउने भएका छन् ।
कालिनलाई अखिल नेपाल फुटबल संघ (एन्फा)ले केही समय अघि नेपाली फुटबल टोलीको प्रशिक्षकमा अनुबन्ध गरेको थियो । यसअघि नै नेपाली खेलाडीसँग काम गरिसकेका उनलाई यो पटक पनि अनुबन्ध गरिएको हो ।
उनले वि. स. २०७० सालको ए डिभिजन लिगमा मछिन्द्र क्लबको प्रशिक्षकमा भूमिका निर्वाह गरेको थिए । त्यो समयमा मछिन्द्रले राम्रो नतिजा भित्राएको थियो ।
कालिन भोली (बिहिबार) दिउँसो २ः३० बजे त्रिभुवन अन्तराष्ट्रिय विमान स्थलमा अवतरित हुने बताईएको छ ।
कालिन दुई वर्ष नेपाली टोली प्रशिक्षणमा रहने एन्फाले जनाएको छ ।
