१२ फाल्गुन २०७५, काठमाडौं
थाईल्याण्डमा जारी आईसीसी टी–२० महिला विश्वकपको एशीयाली छनौटको चौथो खेलमा नेपाल र हङकङबीच प्रतिस्पर्धा हुने भएको छ ।
थाईल्याण्डको एशियन ईन्टिच्युट अफ टेक्निोलोजीको मैदानमा नेपाली समयानुसार दिउँसो १२ः४५ बजे सुरु हुने बताईएको छ । खेलमा नेपालले विश्वकपमा आफ्नो स्थानका लागि कडा रुपमा प्रस्तुत हुने जमर्कोमा छ । यस अघि भएका तीन खेलमा दुई खेलमा जित निकाल्दै नेपाली महिला टोली ३ खेलबाट चार अंकका साथ अंक तालिकाको चौथो स्थानमा रहेको छ ।
पहिलो खेलमा मलेसियालाई ३४ रनले हराएको नेपाली महिला क्रिकेट टोली दोस्रो खेलमा आयोजक थाइल्याण्डसँग ५७ रनले पराजित हुन पुगेको थियो । त्यस्तै आफ्नो तेस्रो खेलमा युएईलाई सात विकेटले हराएको थियो ।
नेपालको अर्को खेल मंगलबार चीनसँग हुने छ ।
