१२ फागुन २०७५, काठमाडौँ
स्वर्गीय बलिउड अभिनेत्री श्रीदेवीको पहिलो बार्षिकी अस्ति सम्पन्न भएको छ । बलिउडकी निकै चर्चित नायिका श्रीदेवीको मृत्यु भएको कुरा पत्याउन अहिले पनि उनका निकटका व्यक्तिलाई निकै कठिन भैइरहेको छ । यस्तैमा श्रीदेवीका श्रीमान् बोनी कपुरले श्रीदेवीको अन्तिम भिडियो सामाजिक सञ्जालमा सेयर गरेका छन् ।
स्मरण रहोस श्रीदेवीको निधन दुबईमा भएको थियो । उनी आफ्ना आफन्तको विवाहको लागि परिवारसहित दुबई गएकी थिइन् । त्यसै समयमा कसैले नसोचेको घटना घटेको हो । बोनी कपुरले सेयर गरेको भिडियोमा श्रीदेवीलाई निकै रमाइरहेको देख्न सकिन्छ ।
बोनी कपुर निकै भावुक हुँदै यो भिडियो सेयर गरेका छन् । उनी अझैपनि श्रीदेवीको यादबाट बाहिर निस्कन सकेका छैनन् । श्रीदेवीको लागि उनको परिवारले पूजा पनि राखेको थियो ।
Today would have been our 22nd wedding anniversary. Jaan… My wife, my soulmate, the epitome of love, grace , warmth and laughter lives within me forever… pic.twitter.com/0XWhFIvOvz
— SRIDEVI BONEY KAPOOR (@SrideviBKapoor) June 2, 2018
