१२ फाल्गुन २०७५, काठमाडौं
स्पेनिस ला लिगा फुटबलमा बार्सिलोनाले सेभिल्लालाई उसकै घरेलु मैदानमा ४–२ ले पराजित गरेको छ ।
यससँगै विश्वफुटबलका कुशल खेलाडी तथा बार्सिलोनाका कप्तान लियोनल मेस्सीले आफ्नो ५० औं ह्याट्रिक पुरा गरेका छन् । ह्याट्रिकमा मेस्सीले रोनाल्डोलाई पछ्याईरहेका छन् । रोनाल्डो मेस्सीभन्दा एक ह्याट्रिक अगाडि छन् ।
सेभिल्ला विरुद्धको गोलसँगै मेस्सीले खेल जीवनको ६ सय ५० गोल पुरा गरेका छन् । उनले ७ सय ९७ खेलमा ६ सय ५० गोल गरेका हुन् । रोनाल्डोले खेल जीवनमा ६ सय ७९ गोल गरेका छन् ।
जुन संख्या मेस्सीकोभन्दा २९ ले बढी हो । तर, रोनाल्डोले मेस्सीभन्दा १ सय ५१ खेल बढी खेलेका छन् । रोनाल्डोले आजसम्म ९ सय ४८ खेल खेलेका छन् ।
बालुन डि’ओर समान पाँच–पाँच पटक जितेका दुवै खेलाडी यस पटक समेत निकै प्रतिस्पर्धात्मक देखिएका छन् । मेस्सीले बार्सिलोना क्लबबाट यस सिजन २५ गोल गरिसकेका छन् ।
