इटालियन सिरी ए : युभेन्ट्सको अपराजित यात्रा कामयै, बोलोग्राको पोस्टमा १ गोल !

१३ फाल्गुन २०७५, काठमाडौं

इटालियन सिरिए लिगको शीर्ष टोली युभेन्ट्सले लिगमा अपराजित यात्रा कायमै राखेको छ ।

लिगअन्तर्गत आईतबार भएको खेलमा युभेन्ट्सले बोलोग्रालाई १–० को गोलअन्तरले पराजित गरेको हो । बोलोग्नाको घरेलु मैदानमा भएको प्रतिस्पर्धात्मक खेलमा युभेन्ट्सका लागि पाउलो डिबालाले ६७औं मिनेटमा गोल गरेका थिए ।

बोलोग्नाले खेलको अन्तिमसम्म गोल फर्काउने मौका पाएपनि सफल भएन । यस जितसँगै युभेन्ट्सले लिगको शीर्ष स्थानमा १३ अंकको अग्रता बनाएको छ । युभेन्ट्सले २५ खेलबाट ६९ अंक बनाएको छ ।