१३ फाल्गुन २०७५, काठमाडौं
आईसीसी टी–२० महिला क्रिकेटको एशियन छनौट अन्तर्गत आज नेपाल र चीनबीच प्रतिस्पर्धा हुने भएको छ ।
थाईल्याण्डको बैंककमा हुने खेल नेपाली समयानुसार दिउँसो १२ः४५ बजे सुरु हुने छ । नेपालले अघिल्लो खेलमा हङकङलाई ४ विकेटले हराएको थियो । त्यस्तै नेपालले तेस्रो खेलमा ७ रनले यूएईलाई पराजित गरेको थियो भने, मलेशियालाई ३४ रनले पराजित गरेको थियो ।
नेपालले ४ खेलबाट ६ अंक जोड्न सफल भएको छ । यससँगै नेपालले विश्वकपमा छनौट हुने सम्भावना कायमै राखेको छ ।
