आहा रारा गोल्डकपको फाईनलमा थ्री स्टार !

१५ फाल्गुन २०७५, काठमाडौं

थ्री स्टार क्लबले विभागीय टोली नेपाल एपीएफ क्लबलाई टाइब्रेकरमा पराजित गर्दै आहा रारा गोल्डकपको फाइनलमा प्रवेश गरेको छ ।

थ्री स्टार टाइब्रेकरमा ४–२ ले विजयी रहयो । पोखरा रंगशालामा बुधबार निर्धारित समयको खेल गोलरहित बराबरीमा सकिएपछि खेलको नतिजा टाइब्रेकरबाट लिइएको थियो ।

यसअघिका खेलमा अतिरिक्त समयमा खेल लम्ब्याएपनि मौसम प्रतिकूलताका कारण खेलअघि नै दुवै टोलीले ९० मिनेटसम्म बराबरी भएको खण्डमा सिधै टाइब्रेकरमा पुग्ने सहमति गरेका थिए ।

दोस्रो सेमिफाइनलमा बिहीबार त्रिभुवन आर्मी क्लब र दाउफिन्स फुटबल क्लब खेल्नेछन् । प्रतियोगिताको फाइनल खेल शनिबार हुनेछ ।