१६ फाल्गुन २०७५, काठमाडौं
कोपा डेल रे अन्तर्गत बार्सिलोनाले मड्रिडलाई हराउँदै फाईनलमा प्रवेश गरेको छ ।
नेपाली समयअनुसार बिहीबार बिहान सेमिफाइनलअन्तर्गत भएको दोस्रो लिगको खेलमा रियल मड्रिडलाई उसकै घरमा ०–३ ले हराउँदै बार्सिलोना फाइनल प्रवेश गरेको हो ।
अघिल्लो लिग १–१ को बराबरीमा सकिएको थियो । दोस्रो लिगमा ०–३ को शानदार जित निकालेको बार्सिलोना समग्रमा १–४ को प्रभावशाली जितसहित फाइनल प्रवेश गरेको हो ।
खेलको पहिलो हाफ भने गोलरहित बराबरीमा सकिएको थियो । तर, दोस्रो हाफमा पाहुना टोली बार्सिलोना घरेलु टोलीमाथि हाबी भयो । जहाँ उसले २ गोल हान्यो भने १ गोल आत्मघाती गरायो ।
पहिलो हाफमा तुलनात्मक रूपमा खेलमा प्रभाव रियलले जमाएको थियो । उसले बार्सिलोनविरुद्ध पटक–पटक आक्रमण गर्दा बार्सिलोनालाई आक्रमण गर्न कुनै मौका दिएको थिएन ।
