१७ फागुन २०७५, काठमाडौँ
गत मङ्सिर महिनामा नेपाली चेली बन्धना नेपालले नृत्यमा वल्र्ड रेकर्ड राख्नको लागि १ सय २३ घण्टा १५ मिनेट नाचेकी थिइन् । उनले आफ्नो उक्त भिडियो गिनिज बुकमा नाम लेखाउनको लागि पठाएकी थिइन् । नभन्दै बन्धना भारतकी एक महिलाको रेकर्डलाई तोड्दै विश्वकै सबैभन्दा लामो नृत्य गर्ने व्यक्तिमा आफ्नो नाम लेखाउन सफल भएकी छिन् ।
उनले गत मङ्सिरमा बत्तीस पुतलीस्थित बिग फुडल्याण्डमा लगातार १ सय २३ घण्टा १५ मिनेट सम्म नेपाली गीतहरुमा नाचेकी छिन् । उनले आज आफ्नो मेहेनतको फल पाएकी छिन् । विभिन्न विधाहरुमा नेपालीले गिनिज बुकमा नाम लेखाइरहदाँ त्यसभित्र बन्धना पनि थपिएकी छिन् ।
सानैदेखि नृत्यमा केही गर्ने सपना बोकेकी बन्धना अहिले एक डान्स टिचर हुन् । त्यसबाहेक उनले केही गीतमा नृत्य निर्देशकको रुपमा काम पनि गरिसकेकी छिन् । हाम्रो तर्फबाट पनि बन्धनालाई धेरै धेरै शुभकामना ।
