पर्यटनको जग बसाल्न व्यस्त थिए रवीन्द्र

१८ फागुन २०७५, काठमाडौं

हेलिकप्टर दुर्घटनामा निधन भएका मन्त्री रवीन्द्र अधिकारी पर्यटन विकासको जग बसाउन चाहन्थे । त्यसपछि अवस्थामा यो क्षेत्रको विकास हुनेमा उनी दृढ थिए । कार्यकारी भूमिकामा पुगेर थोरै मात्र पर्यटन प्रवर्द्धन र पूर्वाधार निर्माणको सुरुवात गर्न थालेका अधिकारीको पर्यटन विकासको जगलाई स्थापित गर्ने सपना भने अधुरो नै रह्यो ।

‘पर्यटनमन्त्री हुनु अघिदेखि नै अधिकारी राजनीति भनेकै विकासका लागि हो भन्ने स्पष्ट बुझाइ राख्थे । ‘पर्यटनमन्त्री भएपछि भने हामीले उनलाई पर्यटनको प्रकृतिअनुसार मिल्ने व्यक्तिका रूपमा पायौं’, नेपाल पर्यटन बोर्डका प्रमुख कार्यकारी अधिकृत (सीईओ) दीपकराज जोशीले भने । मन्त्री भएर आएको एक वर्षमै पर्यटनमा देखिने गरी धेरै काम भएको उनको भनाइ छ ।

पर्यटन प्रवद्र्धनलाई अभियानका रूपमा अघि बढाउने र सन् २०२० मा २० लाख पर्यटन भित्र्याउने अवधारणा मन्त्री अधिकारीबाटै आएको हो । पूर्वाधार विकासमा त्रिभुवन अन्तर्राष्ट्रि य विमानस्थल सुधारदेखि नीति निर्माण बनाउने, पर्यटन प्रवर्द्धनमा प्रभावकारी भूमिका निर्वाह गर्ने र निजीक्षेत्रसँगको सहकार्य रुचाउँथे उनी । निजीक्षेत्रसँगको सहकार्यमा पर्यटन प्रवर्द्धन तथा विकास गर्नुपर्छ भनेर अग्रसर हुने अधिकारी जुनसुकै पर्यटकीय संघसंस्था र पर्यटकीय गतिविधिमा सहजै पुग्थे । याे समाचार अन्नपूर्णमा राजु बास्काेटाले लेखेका छन् ।