१९ फागुन २०७५, काठमाडौं
मण्डिखाटारको एकताबस्ती स्थित पार्किङमा राखिएको मोटरसाईकल चोरी भएको १५ मिनेटमा कपन प्रहरी प्रभागले नियन्त्रणमा लिएको छ ।
एकताबस्तीमा पार्किङ गरिएको उक्त बा ९८ प ५०८६ नं को केटिएम डुक मोटरसाईकल हरायको जानकारी पाएको १५ मिनेटमै महानगरीय प्रहरी प्रभाग कपन बाट प्रहरी नीरिक्षक मिन बहादुर कुँवर क्षेत्री सहितको टोलीले बूढानीलकण्ठ नगरपालिका वडा नं १० स्थित कपनको ह्याण्डबल ग्राउनमा चेकिङ्ग गर्ने क्रममा उक्त मोटरसाईकल चोरी गरि फरार भएको मानिसलाई नियन्त्रणमा लिएको छ ।
उदयपुर जिल्ला गाईघाट नगरपालिका वडा नं २ को ३५ वर्षे गंगा बहादुर तमाङ सहित मोटरसाईकल प्रहरीले नियन्त्रणमा लिई प्रभाग कपनले आवश्यक कारबाहिको लागि महानगरीय प्रहरी वृत्त अपराध अनुसन्धान शाखा महाराजगंज पठाएको प्रहरी नीरिक्षक कुँवरले जानकारी गराएका छन् ।
