२२ फाल्गुन २०७५, काठमाडौं
विश्व फुटबलको एक प्रतिष्ठित फुटबल क्लब रियल मड्रिड अन्तिम १६ बाट आउट भएको छ ।
नेपाली समयअनुसार बुधबार बिहान भएको अन्तिम १६ को दोस्रो लेगको खेलमा डच क्लब अजाक्ससँग १–४ को लज्जास्पद हार बेहोर्दैै रियल प्रतियोगिताको अन्तिम १६ बाटै आउट भएको हो ।
यो उसको हारसँगै रियलको चौंथो पटक च्याम्पियन बन्ने सपना चकनाचुर भएको हो । यो सिजनमा पनि रियललाई उपाधी दाबेदारको रुपमा हेरिएको थियो ।
यसअघि अजाक्सको घरमा भएको पहिलो लेगको खेल रियलले १–२ ले जितेको थियो । तर, आफ्नो घर सान्टियागो बेर्नाबेउमा भएको दोस्रो लेगको खेलमा पाहुना टोली अजाक्सले रियललाई १–४ को लज्जास्पद हार चखाएपछि अजाक्स समग्रमा ३–५ गोलअन्तरको जितसहित क्वार्टरफाइनल पुग्दा रियल भने आफ्नै घरबाट उपाधी यात्रामा पूर्णविराम लगाउन बाध्य भयो ।
