२२ फाल्गुन २०७५, काठमाडौं
आगामी २६ फाल्गुनदेखि संचालन हुने माईभ्याली गोल्डकपको खेलतालिका सार्वजनिक भएको छ ।
‘पाचौँ अन्तराष्ट्रिय आमन्त्रण टुवोर्ग माईभ्याली गोल्डकप २०७५’ मा १० टोलीको सहभागिता रहने बताईएको छ । तीमध्ये तीनवटा बिदेशी र आयोजक माईभ्याली फुटबल क्लबसहित सातवटा टीम नेपाली रहेका छन् ।
आयोजक क्लबले बुधबार बिहान आयोजना गरेको पत्रकार सम्मेलनमा यसपालीको प्रतियोगिताको खेलतालिका सार्वजनिक गरेको हो ।
प्रतियोगितामा क्यामरुनको दाउफिन्स क्लब, हङ्कङको नेप्लीज फुटबल एकेडेमी र दार्जिलिङको युनाइटेड क्लबले बिदेशी टीमको रुपमा सहभागिता जनाउने निश्चित भएको हो ।
तीबाहेक आयोजक माईभ्याली, काठमाण्डौका हिमालयन शेर्पा क्लब, नेपाल पुलिस क्लब, एपीएफ क्लब र त्रिभुवन आर्मी, ललितपुरको थ्रिस्टार क्लब तथा झापाको मेची नेत्रालयले सहभागिता जनाउने छन् ।
बुधबार आयोजक क्लबले राजधानीमा पत्रकार सम्मेलन गरि सो कुराको जानकारी दिँदै खेलतालिकासमेत सार्वजनिक गरेको हो ।
खेल तालिका हेर्नुहोस् !
