२३ फाल्गुन २०७५, काठमाडौं
खेलको अतिरिक्त समयमा गोल गर्दे युनाईटेड अवे च्याम्पियन्स लिगको क्वाटरफाईनलमा प्रवेश गरेको छ ।
फ्रेन्च जाइन्ट पेरिस सेन्ट जर्मेन (पिएसजी) विरुद्धको दोस्रो लेगमा ३–१ को जित निकालेसँगै युनाईटेड समग्रमा ३–३ को बराबरीका क्वाटरफाइनल प्रवेश गर्न सफल भएको हो ।
अन्तिम १६ को दोस्रो लेग अन्तर्गत बुधबार राति पिएसजीको मैदानमा युनाईटेड हावि हुँदै घरेलु टिमलाई पराजित गर्दै आफ्नो यात्रा तय गरेको हो ।
दोस्रो लेगमा दोस्रो मिनेटमा नै रामेलु लुकाकुले गोल गर्दै युनाइटेडलाई सुरुवाति अग्रता दिलाए । चोटका कारण नेमार बिहीन पिएसजीका लागि १२ औँ मिनेटमा बर्नेटले गोल गर्दै खेल बराबरीमा ल्याए ।
३० औँ मिनेटमा लुकाकुले व्यक्तिगत दोस्रो गोल गर्दे युनाईटेडको आश बाँकी राखे। तर युनाईटेडका लागि रासफोर्डले इन्जुरी समयमा गरेको पेनल्टी गोल उसलाई क्वाटरफाइनल पुर्याउन पर्याप्त बनेको थियो ।
भिएआरको सहयोगमा युनाईटेडले पेनल्टीको मौका पाएको थियो ।
