२४ फाल्गुन २०७५, काठमाडौं
आगामी मार्च २२ मा हुने अन्तर्राष्ट्रिय मैत्रीपूर्ण खेलका लागि अर्जेन्टिनी टोलीको घोषणा भएको छ ।
सार्वजनिक टोलीमा रसिया विश्वकपपछि टोलीबाहिर रहँदै आएका स्थायी कप्तान लिओनल मेस्सीलाई ९ महिनापछि पहिलोपटक समावेश गरिएको छ ।
सार्वजनिक टोलीमा मेस्सी पर्दा इंग्लिस टोली म्यानचेस्टर सिटीका सर्जियो अगुइरो भने टोलीमा अटाउन सकेनन् । त्यसैगरी, इटालियन इन्टर मिलानका माउरो इकार्डीलाई पनि टोलीमा रहेनन् ।
त्यस्तै, चेल्सीका गोन्जालो हिगुइनलाई पनि टोलीमा राखिएको छैन । तर, इटालियन युभेन्टसका पाउलो डिबाला तथा पिएसजीका एन्जल डि मारियालाई भने टोलीमा समावेश गरिएको छ ।
अर्जेन्टिनाले आगामी मार्च २२ मा स्पेनमा भेनेज्वेलासँग पहिलो मैत्रीपूर्ण खेल खेल्दैछ । त्यसको ४ दिनपछि ट्यांगियारसँग दोस्रो खेल पनि हुनेछ ।
अर्जेन्टिनाका अन्तरिम प्रशिक्षक लिओनल स्कालोनीले आज सो खेलका लागि प्रारम्भिक टोली घोषणा गरेका हुन् ।
टोलीका सदस्यहरु !
