२४ फागुन २०७५, काठमाडौँ
यतिबेला चलचित्र यात्रा मा समावेश चट्ट रुमाल क्या मालुम बोलको गीत युट्युबमो ट्रेन्डिङ ५ मा छ । तर विडम्बना धेरै भ्यूज पाएर पनि यो गीतले दर्शकबाट सकरात्मक प्रतिक्रिया भने पाउन सकेको छैन । उक्त गीतलाई अधिकांश दर्शकले गाली गरेका छन् ।
पुरानो गीतको हत्या गरिएको भन्दै दर्शकले गीतको अत्याधिक आलोचना गर्न थालेपछि यतिबेला चलचित्र निर्माण टिम निकै तनावमा देखिएको छ । साथै उक्त रिमेक गीतमा स्वर भरेकी चर्चित गायिका मेलिना राईले पनि चलचित्र टिमप्रति दुखेसो पोख्दै फेसबुकमा स्टाटस लेखेकी छिन् ।
उनले पुरानो गीतलाई आफूहरुले निकै मेहेनत गरेर तयार पारेको तर अन्त्यमा चलचित्र निर्माण टिमले त्यहि पुरानो थोत्रो गीत युट्युबमा हालिदिएको बताएकी छिन् । उनले हतारमा ट्रेन्डिङको लोभले पनि पुरानै गीत युट्युबमा सार्वजनिक गरिएको बताइन् । मेलिनाले यसको प्रत्यक्ष असर आफूमा पनि परेको बताएकी छिन् । उनले नारी दिवसको उपलक्ष्यमा लामो स्टाटस लेख्दै यस्तो भनेकी छिन् ।
