२४ फागुन २०७५, काठमाडौँ
करिब २० बर्ष अघि निर्माण भएको सुपरहिट गीत चट्ट रुमाल क्या मालुम को रिमेक भर्ज केहीदिन अगाडी मात्र सार्वजनिक भएको छ । चलचित्र यात्रा मा समावेश उक्त गीतले यतिबेला युट्युबको ट्रेन्डिङमा पनि राम्रो स्थान पाइरहेको छ ।
विडम्बना उक्त गीतले सोचेको जस्तो सफलता हासिल भने गर्न सकेको छैन । यो गीतलाई धेरै दर्शकले हेरिसकेका छन् तर गीतप्रति अधिकांश दर्शकले नकरात्मक कमेन्ट धेरै गरेका छन् । करिब ४ हजार कमेन्ट रहेको गीतमा ९५ प्रतिशत कमेन्ट नकरात्मक रहेका छन् ।
पुरानो गीतको हत्या गरिएको भन्दै दर्शकले गीतको आलोचना गर्न थालेपछि यतिबेला चलचित्र निर्माण टिम तनावमा रहेको छ । पुरानो चट्ट रुमाल मा शम्भूजित बास्कोटा र साधना सरगमको आवाज रहेको थियो भने रिमेक भर्जनमा आवाज मेलिना राई र धमेन्द्र सेवानले दिएका छन् । सम्भवत रिमेक गीतलाई निकै गाली मिलेको यो पहिलो गीत हो ।
