२५ फाल्गुन २०७५, काठमाडौं
केही महिना अगाडी बर्खास्तमा परेका क्लब फुलहामका प्रशिक्षक क्लाउडिओ रानिएरी इटालियन क्लब रोमाको प्रमुख प्रशिक्षकमा नियुक्त भएका छन् ।
क्लब रोमाले शुक्रबार अफिसियल रूपमा रानिएरीलाई प्रमुख प्रशिक्षकमा नियुक्त गरेको पुष्टि गरेको बताईएको छ । रोमा ३ दिन अघि च्याम्पियन्स लिगबा आउट भएपछि क्लबले आफ्ना मुख्य प्रशिक्षक इयुसेबियो डि फ्रान्सिस्कोलाई पदबाट हटाएको थियो ।
उनलाई हटाएलगत्तै रोमाले नयाँ प्रशिक्षक नियुक्त गरे हो । रानिएरी इटालियन नै हुन् । यसअघि सन् २००९ देखि २०११ सम्म उनले रोलाई प्रशिक्षण गरिसकेका छन् ।
उनले ३ वर्षअघि लेस्टर सिटीलाई सनसनीपूर्ण रूपमा ईङ्लिस् प्रिमियर लिगको उपाधि जिताएका थिए । तर, उनी अर्को वर्ष बर्खास्तीमा परे । त्यसपछि उनी फ्रेन्च क्लब नान्टेस हुँदै गत २०१८ मा फुलहामको प्रशिक्षक बनेका थिए ।
तर, फुलहामले लगातार खराब प्रदर्शन गरेपछि उनलाई क्लबले फेब्रुअरी अन्तिम साता पदबाट हटाएको थियो ।
