२५ फाल्गुन २०७५, काठमाडौं
भारतको पुलवामामा भएको आक्रमणमा परी मृत्यु भएका भारतीय सुरक्षाकर्मीहरुको सम्मानमा भारतीय क्रिकेट टोलीले सेनाले लगाउने ‘क्याप’ लगाएर रांचीमा अस्ट्रेलियासँग भइरहेको तेस्रो एक दिवसीय खेल खेलेको छ ।
फेब्रुअरी १४ मा जम्मूकश्मिर स्थित पुलवामामा गराइएको शक्तिशाली बम विस्फोटमा ४० जना भारतीय सुरक्षाकर्मीको मृत्यु भएको थियो ।क्रिकेट टोलीले एक खेल बराबरको पारिश्रमीक राष्ट्रिय डिफेन्स फंडलाई प्रदान गर्ने बताइएको छ ।
खेलको सुरुवातमा भारतीय टोलीका कप्तान विराट कोहलीले क्यापको बारे भने, यो विशेष क्याप हो । पुलवामा आक्रमणमा मारिएका शहीद र उनीहरुको परिवारप्रति यो हाम्रो सम्मान हो ।
भारतीय क्रिकेट कन्ट्रोल बोर्डले यसअघि नै आइपीएलको उद्घाटनमा खर्च गर्दै आएको करिब २० करोड भारतीय रुपैंया पुलवामामा शहीद भएका परिवारलाई प्रदान गर्ने निर्णय गरेको जनाईएको छ ।
