२६ फाल्गुन २०७५, काठमाडौं
नेपालमा आयोजित ५ औं संस्करणको महिला साफ च्याम्पियनसिप फुटबलको उद्घाटन पूर्व–प्रधानमन्त्री तथा नेकपा अध्यक्ष पुष्पकमल दाहाल ‘प्रचण्ड’ बाट हुने भएको छ ।
आगामी २८ फाल्गुनबाट विराटनगरमा हुने खेलमा नेपालसहित, भारत, श्रीलंका, भुटान, माल्दिभ्स र बंगलादेश गरि ६ टोलीले सहभागिता जनाउने छन् ।
प्रतियोगिताको उद्घाटन खेलमा आयोजक टोली नेपाल र पाहुना टोली भुटान आमने सामने हुने छन् ।
