२७ फाल्गुन २०७५, काठमाडौं
नेपाली युवा लेगस्पीनर सन्दीप लामिछाने आबद्ध लाहोर कलन्दर्स पाकिस्तान सुपर लिग (पिएसएल) क्रिकेटको अन्तिम खेलमा आज सुल्तान मुल्तानविरुद्ध खेल्दैछ ।
प्रतियोगिताबाट बाहिरिसकेको लाहोर कलन्दर्स अन्तिम खेलमा सुल्तानविरुद्ध खेल्न लागेको हो ।पाकिस्तानको कराँचीस्थित राष्ट्रिय रंगशालामा खेल नेपाली समयअनुसार दिउँसो २ः४५ बजे सुरु हुनेछ ।
दुबै टोली बाहिरिसकेकाले आजको खेल प्रतिष्ठाको खेलमात्र हो । सन्दीपले पाकिस्तान सुपर लिगमा ११ विकेट लिएका छन् । सुरुवाती ३ खेलमा अनुपस्थित रहेका सन्दीपले पछिल्ला ६ खेलमा ११ विकेट लिएका छन् ।
