२८ फाल्गुन २०७५, काठमाडौं
पाँचौं संस्करणको महिला साफ च्याम्पियनसिपको पूर्व सन्ध्यामा नेपाली राष्ट्रिय महिला टोली नगदसहित सम्मानित भएका छन् ।
अखिल नेपाल फुटबल संघ (एन्फा)ले उनीहरुलाई नगद १/१ लाखसहित सम्मान गरेको हो ।
नेपाली महिला राष्ट्रिय टोली ओलम्पिक छनौटको दोस्रो चरणमा उक्लेको तथा भारतमा सम्पन्न हिरो गोल्डकपमा उपविजेता बन्न सफल भएको भन्दै सम्मान गरेको हो ।
टोलीलाई एन्फा अध्यक्ष कर्मा छिरिङ शेर्पा, विराटनगर महानगरपालिकाका अध्यक्ष भिम पराजुली तथा अन्य समर्थकहरुले सम्मान गरेका थिए ।
