२८ फागुन २०७५, काठमाडौं
नेपाल सरकारसँग ११ बुँदे सम्झौता गरेको दल ‘स्वतन्त्र मधेस गठबन्धन’का संगठन सचिव चन्दन सिंहले ११ बुँदे सम्झौता पालना गर्ने बताएका छन् ।
सिके राउत गृहनगर पुग्दा लागेको स्वतन्त्र मधेसको नारा, अलग राज्यको मागसहितको ब्यानरप्रति आफ्नो गठबन्धन संवेदनशील रहेको स्वीकार्दै सरकारसँगको वार्ताको सहजकर्ता समेत रहेका सिंहले भने, “हाम्रा हजारौँ, लाखौँ कार्यकर्ता छन् । सरकारसँगको सम्झौताबारे सबैलाई जानकारी पनि छैन । हामी सम्झाउँदैछौँ । संयमित तुल्याउँछौं । अनावश्यक शंका नगरौँ ।”
उनले ११ बुँदेप्रतिको इमान्दारितामा शंका नगर्न र पालना गर्न गठबन्धन पूर्णरूपमा तत्पर रहेको बाह्रखरीमा उल्लेख छ ।
