२९ फाल्गुन २०७५, काठमाडौं
ईङ्लिस प्रिमियर लिग लिडर म्यान्चेस्टर सिटीका प्रशिक्षक पेप ग्वार्डिओलाले म्यान्चेस्टर सिटीलाई रोक्ने खालको क्षमता बार्सिलोनाका स्टार लियोनल मेस्सी र युभेन्ट्सका स्टार क्रिस्टियानो रोनाल्डोसँग मात्र भएको बताएका छन् ।
मंगलबार च्याम्पियन्स लिगमा म्यान्चेस्टरले साल्केलाई ७–० गोल अन्तरले हराउँदै क्वाटरफाइनलमा स्थान बनाउन सफल भएको थियो ।
“हामी च्याम्पियन्स लिगमा जित निकाल्न सक्षम छौँ, आजको खेलको प्रदर्शन हामीलाई फाइनल खेलसम्म पुग्न सक्ने आधार हो,” प्रशिक्षक ग्वार्डिओलाले भने, “मेस्सी र रोनाल्डोको जस्तो जादूमयी प्रदर्शन भए मात्र हामीलाई खेलमा खतरा हुन सक्छ ।” उनले भने ।
जितपछि बोल्दै सिटीका प्रशिक्षक ग्वार्डिओलाले म्यान्चेस्टर सिटीको यो रफ्तारलाई मेस्सी र रोनाल्डोको जादुमय प्रदर्शन भए मात्र रोक्न सक्ने बताए ।
