२९ फाल्गुन २०७५, काठमाडौं
युभेन्टसलाई एथ्लेटिको म्याड्रिडविरुद्ध च्याम्पियन्स लिगको इतिहासकै उत्कृष्ट पुनरागमनमध्ये एकका लागि प्रेरित गर्दा क्रिस्टियानो रोनाल्डोले आफ्नी प्रेमिकालाई समेत रुवाएका छन् ।
रोनाल्डोले प्रत्येक हाफमा हेडको मद्दतले एक–एक गोल गरे भने खेल सकिन केही समय बाँकी छँदा पेनाल्टीबाट निर्णायक गोल गरेपछि टुरिनको मैदानमा समर्थकहरुले आफ्नो खुसी लुकाउन सकेनन् ।
मैदानमा उपस्थित रहेका रोनाल्डोको परिवार पनि निकै भावुक बनेका थिए ।
खेलपछि रोड्रिग्वेजले इन्सटाग्राममार्फत रोनाल्डोको सफलतामा बधाई दिएकी छिन् ।
रोनाल्डोको बाल्यकालको तस्विर पोस्ट गर्दै उनले लेखेकी छिन्,
“यो ३–० कसैले तिमीबाट खोस्न सक्दैन । तिमी यसको हकदार हौ, यो तीन गोलका लागि मात्र होइन । यो तिम्रो मिहिनेताको लागि हकदार हौ । हामी हरेक दिन तिम्रो साथमा छौँ । भगवानलाई थाहा छ । भगवानले यो तिमीलाई दिनुहुन्छ किनभने फुटबलको दुनियाँ तिम्रो हो ।”
खेलको ८६ औँ मिनेटमा जोन ओबलाकबिरुद्ध पेनाल्टी गोल गरेपछि रोनाल्डोकी प्रेमिका जर्जिना रोड्रिग्वेज निकै भावुक देखिएकी थिइनन् । उनले आफ्नो खुसीको आँशु रोक्न सकिनन् ।
यो पनि पढ्नुहोस् !
