नेकपाको काठमाडौं जिल्ला पार्टी कार्यालय उद्घाटन हुँदै

३० फागुन २०७५, काठमाडौं

एकीकरणपछि पहिलो पटक नेपाल कम्युनिष्ट पार्टी काठमाडौं जिल्ला पार्टी कार्यालयको उद्घाटन उपप्रधान/रक्षामन्त्री तथा नेकपा सचिवालय सदस्य  ईश्वर पोखरेलले गर्ने भएका छन् ।

नेकपा एमाले र माओवादी केन्द्रको एकीकरणपछि केन्द्रिय कार्यालय साझा भएपनि तल्ला कार्यालयहरु एकीकृत भएका थिएनन् । नेपालको राजधानी समेत रहेको नेकपा काठमाडौं जिल्ला पार्टी कार्यालय उद्घाटनले कार्यकर्तामा सकारात्मक सन्देश जाने जिल्ला कमिटीले विश्वास लिएको छ ।

भोली चैत्र १ गते विहान ७ः३० बजे काठमाडौं महानगरपालिका वडा नं. ४ आनन्दनगर, (ओम हस्पिटलको पारिपट्टी) जिल्लाभरिका कार्यकर्ता जम्मा गरी उद्घाटन गर्न लागिएको नेकपा प्रदेश ३ का सदस्य सुन्दर पुर्कुटीले परिवर्तन खबरलाई बताए ।

उद्घाटनमा नेकपाबाट निर्वाचित जनप्रतिनिधि, पार्टी संगठित सदस्य, जनवर्गिय संगठनका प्रमुखहरु उपस्थित हुने जिल्ला अध्यक्ष कृष्ण राईले जानकारी गराए ।