०१ चैत्र २०७५, काठमाडौं
युरोपियन च्याम्पियन्स लिग फुटबलअन्तर्गत क्वार्टरफाइनल (अन्तिम ८) को ‘ड्र’ आज हुँदैछ ।
अघिल्लो दिन प्रतियोगिताको अन्तिम १६ अन्तर्गत दुई खेल सकिएपछि अन्तिम आठको समीकरण पूरा भएकाले एकदिनपछि अर्को चरणको ड्र हुने भएको हो ।
अन्तिम ८ को यात्रा तय गरेका टोलीहरु !
यसपटक चयाम्पियन्स लिगको क्वार्टरफाइनलमा सबैभन्दा बढी इंग्लिस टोली ४ वटा पुगेका छन् ।
जसमा म्यानचेस्टर सिटी, लिभरपुल, टोटनह्याम र म्यानचेस्टर युनाइटेड रहेका छन् । त्यसपछि स्पेन, इटाली, पोर्चुगल र नेदरल्यान्ड्सबाट १–१ गरी ४ टोली अन्तिम आठमा पुगेका छन् ।
‘ड्र’को समय र स्थान !
च्याम्पियन्स लिगको अन्तिम आठको ड्र आज स्वीट्जरल्यान्डको लियोनस्थित युइएफएको केन्द्रीय कार्यालयमा हुँदैछ । ‘ड्र’ नेपाली समयअनुसार अपराह्न ४ः४५ बजे हुनेछ ।
