०१ चैत्र २०७५, काठमाडौं
पाँचौं साफ महिला च्याम्पियनसिपअन्तर्गत माल्दिभ्सले शुक्रबार श्रीलंकासँग खेल्दैछ ।
समूह चरणबाट अघिल्लो चरण पुग्नका लागि माल्दिभ्सले आज जित्नैपर्ने दबाब छ । श्रीलंकाका लागि पाँचौं साफको यो पहिलो प्रतियोगिता हो ।
विराटनगरस्थित शहीद रंगशालामा दिउँसो ३ बजे सुरु हुने प्रतियोगितामा दुवै टोली जित निकाल्दै सेमिफाइनल पुग्ने लक्ष्यसहित मैदान उत्रनेछन् ।
पहिलो खेलमा माल्दिभ्स भारतसँग ६–० ले पराजित भएको थियो। त्यसैले सेमिफाइनलको सम्भावना जीवित बनाउन माल्दिभ्सलाई जित बाहेक अन्य विकल्प छैन ।
माल्दिभ्स ‘गर या मर’ को स्थितिमा रहेको छ । श्रीलंकासंग पराजित भए माल्दिभ्स बाहिरिने छन् । र, एक खेल अगाबै श्रीलंका र भारतले सेमिफाइनलमा स्थान बनाउने छन् ।
प्रतियोेगितामा नेपाल, भारत र बंगलादेश यस पटकको उपाधि आफ्नो पोल्टामा पार्न कसरत गरिरहेका छन् ।
