०१ चैत्र २०७५, काठमाडौं
न्यूजिल्याण्डको क्राइस्ट चर्चस्थित दुई मस्जिदमा अन्धाधुन्ध गोली प्रहार हुँदा धेरै मानिसको ज्यान गएको हुनसक्ने आशंका गरिएको छ ।
न्यूजिल्याण्ड प्रहरीले सो घटनाको आरोपमा चार जनालाई पक्राउ गरेको जनाईएको छ । अहिले पनि त्यहाँको अवस्था खतरामुक्त भने नरहेको प्रहरीले जनाएको छ ।
न्यूजिल्याण्डको भ्रमणमा रहेका बंगलादेशी क्रिकेट टोली भने सुरक्षित रहेको खेलाडीहरुले ट्वीटरमार्फत जानकारी दिएका छन् ।
बंगलादेशी टिमका सदस्यहरु शुक्रबार बिहान प्रार्थनाका लागि क्राइस्ट चर्च मस्जिद नजिक पुगेका थिए ।
उनीहरु मस्जिद नपुग्दै गोली प्रहार हुन थालेपटि उनीहरुलाई केहीबेर बसमा राखेर पछि त्यहाँबाट फिर्ता पठाइएको थियो । अहिले बंगलादेशी टोलीका खेलाडी, प्रशिक्षक र अन्य सदस्यलाई होटलमा राखिएको छ ।
