०३ चैत्र २०७५, काठमाडौं
पाँचौ साफ महिला च्याम्पियनसिप फुटबल प्रतियोगिता अन्तर्गत आज भारत र श्रीलंका आमने–सामने हुँदैछन् ।
यो प्रतियोगिताको समूह चरणको अन्तिम खेल हो । खेलमा सफलता अगाँल्ने टोलीले अर्को खेलमा नेपालसँग खेल्नुपर्ने हुन्छ ।
यसअघि भारतले माल्दिभ्सलाई ० विरुद्ध ६ गोलले हराएको थियो भने श्रीलंकाले माल्दिभ्सलाई नै ० विरुद्ध २ गोलले पराजित गरेको थियो ।
दुवै टोली आपसमा दबाबमा नरहे पनि समूह विजेता बन्ने यो अवसर हो । भारत दक्षिण एसियाकै दरिलो टोलीको रूपमा मानिन्छ ।
यस्तै समूह ‘ए’ बाट नेपाल बिजेता बन्दै सेमिफाइनल प्रवेश गरेको छ भने सोही समूहबाट उपविजेता बन्दै बंगलादेश पनि सेमिफाइनलमा प्रवेश गरेको छ ।
