०४ चैत्र २०७५, काठमाडौं
८ औँ राष्ट्रिय खेलकूद प्रतियोगिता आगामी चैत २५ गतेबाट नेपालगञ्जमा सञ्चालन हुने भएको छ ।
यस खेलकूद प्रतियोगिताको मिडिया सेन्टरको सोमबार उद्घाटन गर्दै राष्ट्रिय खेलकूद परिषदका सदस्य सचिव केशवकुमार बिष्टले यही चैत २५ देखि ३० गतेसम्म ८ औं राष्ट्रिय खेलकूदको मिति तोक्ने प्रस्ताव गरिएको जानकारी दिए ।
नेपालगञ्जस्थित मध्यपश्चिम क्षेत्रीय खेलकूद विकास समिति प्रदेश ५ को कार्यालयमा कार्यकक्ष बनाएको केही दिनमै मिडिया सेन्टर सञ्चालन गरिएको हो ।
राष्ट्रिय खेलकूद चैत २५ देखि सुरु हुने भए पनि केही खेलहरु भने चैत २० गतेदेखि नै सञ्चालन गर्न लागिएको सबताईएको छ ।
भलिबल, बास्केटबल लगायतका केही खेल औपचारिक उद्घाटन भन्दा अगाडि नै सञ्चालन हुनेछन् ।
