भायनेटको नयाँ शाखा भैरहवामा

०५ चैत २०७५, काठमाडौं

नेपालको अग्रणी इन्टरनेट र टि.भी. सेवा प्रदायक भायनेट कम्युनिकेसनले हिजो चैत्र ४ गतेदेखि आफ्नो नयाँ शाखा भैरहवामा संचालन गरेको छ ।

नयाँ सडक, भैरहवामा अवस्थित १२ औं शाखालाई उद्योग वाणिज्य संघका अध्यक्ष कुल प्रसाद न्यौपानेले उद्घाटन गरेका थिए ।

विगत १९ वर्षदेखि भायनेटले विश्वसनीय र बजेट किफायती ब्रोड–ब्याण्ड सेवा प्रदान गर्दै आएको छ । सन् २०११ मा भायनेटले नेपालमा पहिलो पटक फाइबर अप्टिक्स सेवा अर्थात FTTH इन्टरनेट सेवा सुचारु गरेको थियो । सन् २०१६ मा भायनेटले आफ्नो ग्राहकहरुलाई उच्चस्तरीय टि.भी. सेवा प्रदान गर्नको निमित्त ८० भन्दा बढी HD च्यानल सहित २३० वटा च्यानल भएको NETTV सँग साझेदारी गरेको थियो ।

आजको समयमा भायनेट सन्तुष्ट ग्राहकहरु भएको र उत्कृष्ट सेवा प्रदान गर्ने इन्टरनेट प्रदायकको रुपमा चिनिन्छ । १५० भन्दा बढी कर्मचारी रहेको कल सेन्टर मार्फत भायनेटले ३६५ दिन नै २४ सैं घण्टा ग्राहकहरुलाई सेवा प्रदान गर्दै आएको छ । सेवा प्रदान गर्ने उद्देश्य बोकेको भायनेटले ग्राहकहरुको सहजताका लागि सेल्फ–सर्भिस क्लाइन्ट–कष्टुमर पोर्टल र कष्टुमर मोबाइल एप् प्रदान गर्दै आएको छ । यस अन्तर्गत ग्राहकहरुले सजिलैसँग इन्टरनेट सेवाको प्रबंधन, निगरानी र सर्पोट सेवा प्राप्त गर्न सक्नेछन् ।

हाल उपलब्ध भायनेटको योजना मार्फत वार्षिक ग्राहकहरुले इन्टरनेटको प्लानमा १ वर्षको नेट टि.भी. र नेट टि.भी. सेट–टप–बक्स निःशुल्क प्राप्त गर्न सक्नेछन् । यसका साथै चैत्र मसान्त भित्र नयाँ शाखा भ्रमण गर्ने ग्राहकहरुले आकर्षक छुट तथा अफरहरु समेत प्राप्त गर्नसक्ने कम्पनीले जनाएको छ ।