१० चैत्र २०७५, काठमाडौं
इन्डियन प्रिमियर लिग (आईपिएल)को १२ औं संस्करण अन्तर्गत आज दुई खेल हुँदै छन् ।
पहिलो खेलमा सनराइजर्स हैदरावाद र कोलकता नाइट राइडर्सबीच प्रतिस्पर्धा हुनेछ ।
खेल नेपाली समय अनुसार दिउँसो सभा ४ बजेदेखी कोलकतामा सुरु हुने छ ।
गत वर्षको उप विजेता हैदरावाद र प्ले अफबाटै बाहिरिएको कोलकता दुबै पहिलो खेलमै जित निकाल्दै सुखद सुरुवात गर्ने सोचमा छन् ।
कोलकताले हाल सम्म दुई पटक आईपीएलको उपाधि जित्दा हैदरावदले १ पटक चुमेको छ ।
त्यस्तै आजकोे दोस्रो खेलमा नेपाली लेग स्पिनर सन्दीप लामिछानेलेको टिम दिल्ली क्यापिटल्स र मुम्बई इन्डियन्स बीच प्रतिस्पर्धा हुने छ ।
खेल नेपाली समय अनुसार बेलुका ८सभा ८ बजे देखी मुम्बई सुरु हुने छ । दिल्ली श्रेयर ऐर र मुम्बई रोहित शर्माको कप्तानीमा मैदान उत्रने छ ।
अन्तर्राष्ट्रिय लिगमा पछिल्लो एक वर्ष निरन्तर खेल्दै उत्कृष्ट प्रर्दशन गर्दै आएका आजको पहिलो खेलमै सन्दीपले मौका पाउने उच्च संभावना छ ।
सन्दीपसँगै शिखर धवन, पृथ्वी शा, ऋषभ पन्त, श्रेयस ऐर, अक्षर पटेल, कागिसो रबाडा, ट्रेन्ट बोल्ट, हनुमा विहारी, अमित मिश्रा दिल्लीका मुख्य हतियार हुन् ।
