१० चैत्र २०७५, काठमाडौं
सरकारका प्रवक्ता समेत रहेका सञ्चार तथा सूचना प्रविधिमन्त्री गोकुल बास्कोटाले हतियार बिसाएर आएमात्रै नेत्रविक्रम चन्द नेतृत्वको नेकपासँग वार्ता हुने स्पष्ट पारेका छन ।
आईतबार नेपाल प्रेस इन्स्टिच्यूटले आयोजना गरेको कार्यक्रममा मन्त्री बास्कोटाले बम बोकेका विप्लवसँग वार्ता हुन नसक्ने दोहोर्याए ।
मन्त्री बास्कोटाले बमसँगै राखेर चन्द नेतृत्वको नेकपासँग वार्ताको कल्पना नगर्न अनुरोध पनि गरे ।
मन्त्री बास्कोटाले बम र बारूद बोकेर अराजकता मच्चाउने समूहको पक्षपोषण हुनेगरी समाचार सम्प्रेषण भएको भन्दै आक्रोश समेत पोखे ।
मन्त्री बास्कोटाले संचार माध्यामहरुले स्वतन्त्रताको उपयोग गर्ने नाममा अराजकता फैलाउने गतिविधिलाई प्राथमिकता दिन नहुने पनि बताए ।
