१४ चैत्र २०७५, काठमाडौं
ओले गनर सोल्सायर ईङ्लिस क्लब म्यानचेष्टर युनाइटेडको पूर्ण–कालिन म्यानेजर नियुक्त भएका छन् ।
हाल क्लबको कार्यवाहक म्यानेजर रहेका उनलाई ओल्ड ट्राफोर्ड क्लबले ३ वर्षका लागि म्यानेजर नियुक्त गरेको हो ।
क्लबका पूर्व फरवार्ड रहेका नर्वजियन सोल्सायर गत डिसेम्वर १९ मा क्लबको कार्यकारी म्यानेजर बनेका थिए । उनले बर्खास्तीमा परेका जोस माउरिन्होको स्थान लिएका थिए ।
उनले क्लब सम्हालेपछि युनाइटेडले सुरुको ८ खेलमा लगातार जित हात पारेको थियो । यस्तै अहिलेसम्म उनको प्रशिक्षणमा खेलेका १९ मध्ये १४ खेल युनाइटेडले जितेको छ ।
एक वर्ष क्लबका लागि खेलेका सोल्सायरले ३६६ खेलमा १२६ गोल गरेका थिए ।
