१६ चैत्र २०७५, काठमाडौं
स्पेनिस ला लिगा फुटबलमा आज राती डर्बी भिडन्त हुँदैछ ।
जहाँ एकै सहरका दुई टिम बार्सिलोना र इस्पान्योल आमनेसामने हुँदैछन् ।
अन्तर्राष्ट्रिय क्लब फुटबल विश्राम भएपछि क्लब फुटबल सुरु भएसँगै बार्सिलोनाले इस्पान्योलसँग भिड्न लागेको हो । यी दुई टोली सिजनको दोस्रो भेटमा आमनेसामने हुन लागेका हुन् ।
हाल बार्सिलोना लिगका २८ खेलपछि ६६ अंक बनाएर लिगको शीर्ष स्थानमा छ । ऊ दोस्रो स्थानको एथ्लेटिको मड्रिडभन्दा १० अंकले अघि छ ।
यता, इस्पान्योल भने समान खेलबाट ३४ अंक बनाएर लिगको १३औं स्थानमा छ । यी दुई टोलीबीच यसअघि गत डिसेम्बरमा भएको सिजनको पहिलो भेटमा बार्सिलोनाले इस्पान्योललाई उसकै घरमा ०–४ ले हराएको थियो ।
त्यसपछि यी दुई टोली आज राती भिड्दैछन् । आज आफ्नो घरमा उत्रिँदा बार्सिलोना सहज जित निकाल्दै उपाधि होडलाई थप बलियो बनाउने योजनामा छ ।
उता, इस्पान्योल भने अघिल्लो खेलमा व्यहोरेको नमिठो हारको बदला बार्सिलोनासँग उसकै घरमा लिने दाउमा छ ।
