१७ चैत्र २०७५, काठमाडौं
स्पेनिस ला लिगा फुटबलमा एथ्लेटिको मड्रिडले शानदार जित निकालेको छ ।
गएराती भएको लिगको २९औं साताको खेलमा एथ्लेटिकोले अलाभेसमाथि ०–४ को जित निकाल्न सफल भयो ।
यो जितसँगै एथ्लेटिकोले लिग लिडर बार्सिलोनासँगको अंक दूरी १० मै झारेको छ ।
गत राति बार्सिलोनाले आफ्नो खेल जितेर अंक दूरी १३ बनाएको थियो ।
त्यसपछि एथ्लेटिकोले आफ्नो खेल जित्दै दूरी पुनः छोट्याएको हो ।
अलाभेसको घरेलु मैदानमा एथ्लेटिकोलाई शानदार जित दिलाउन साउलले खेलको पाँचौं मिनेटमा गोल गरेर अग्रता दिलाएका थिए ।
त्यसपछि ११औं मिनेटमा डिएगो कोस्टाले गोल गर्दै खेल ०–२ बनाए ।
त्यसपछि दोस्रो हाफमा पनि एथ्लेटिकोले २ गोल थप्यो । जहाँ ५९औं मिनेटमा अल्भारो मोराटाले गोल गरेपछि खेल ०–३ भयो ।
त्यसपछि ८४औं मिनेटमा थोमस पार्टीले गोल गर्दै एथ्लेटिकोलाई ०–४ को जित दिलाए ।
