१८ चैत्र २०७५, काठमाडौं
आईपीएलमा सनराइजर्स हैदराबादसँग ११८ रनले पराजित भएपछि रोयल च्यालेन्जर्स बैङलोरका कप्तान विराट कोहलीले यसलाई टोलीको सर्वाधिक ठुलो लज्जास्पद हारमध्येको एक भएको बताएका छन् ।
हैदराबादको राजिव गान्धी अन्तराष्ट्रिय रंगशालामा हिजो भएको खेमा बेङ्लोरले आजसम्मको दोश्रो ठुलो हार बेहोरेको हो ।
“हाम्रो लागि यो सबैभन्दा लज्जास्पद हार मध्येको एक हो । यो हार पचाउन एकदमै मुश्किल छ । पहिलो बलदेखि अन्तिम विकेट झर्दासम्म हाम्रो लागि एउटा केहि पनि राम्रो भएन” कोहलीले भने ।
हिजोको खेलमा टस हारेर हैदराबादले पहिले ब्याटिङ गर्दै २ विकेको क्षतिमा २३१ रनको विशाल स्कोर बनाएको थियो जसलाई पछ्याउन मैदानमा उत्रेको बेङ्लोरले १९.५ ओभरमा ११३ बनाएर अलआउट भयो ।
