१९चैत्र २०७५, काठमाडौं
ईङ्लिस प्रिमियर लिग फुटबलमा आर्सनल तेस्रो स्थानमा उक्लिएको छ ।
गएराती भएको खेलमा न्युक्यासल युनाईटेडलाई २–० ले पराजित गर्दै आर्सनल तेस्रो स्थानमा उक्लिएको हो ।
आरोन राम्सीले ३० औ मिनेटमा गोल गर्दै लण्डन क्लबलाई अग्रता दिलाएका थिए । ८३ औ मिनेटमा एलेक्सान्ड्रे लाकाजेट्टीले गोल गर्दै आर्सनलको अग्रतालाई दोब्बर बनाए ।
दुबै गोल आर्सनललाई महत्त्वपूर्ण तीन अंक जोड्न पर्याप्त भयो । तेस्रो स्थानमा पुगेसँगै आर्सनलले टोटनह्यामको बर्चस्वको अन्त गर्यो ।
गत फेब्रुअरीमा आर्सनल टोटेनह्याम भन्दा १० अंकले पछि थियो । तर पछिल्लो महिना खराव प्रदर्शनको सिकार भएपछि टोटनह्यामको शिर्ष चारनै संकटमा परेको छ ।
लिगमा सात चरणका खेल हुन बाँकी छ । आर्सनलले ३१ खेलबाट ६३ अंक जाडेको छ । टोटेनहमको ६१ अंंक छ । न्यु क्यासल ३५ अंकसहित तालिकाको १३ औ स्थानमा छ ।
आर्सनलको जितले शीर्ष चार भित्र रहँदै अर्को सिजन च्याम्पियन्स लिग खेल्ने टोलीको संघर्षलाई थप रोमाञ्चक मोडमा पुगेको छ ।
