२० चैत्र २०७५, काठमाडौं
ओलम्पिक छनौटको दोस्रो चरणको खेलमा नेपाली राष्ट्रिय महिला फुटबल टोलीले आज म्यानमारको सामना गर्ने भएको छ ।
खेल साँझ ५ः१५ बजे सुरु हुने छ । समूहको बलियो मानिएको टोली म्यानमारसँग नेपालले आज खेल्न लागेको हो ।
नेपालले हालसम्म म्यानमारसँग तीन खेल खेलेको छ । तीन खेल मध्यमा नेपालले एक खेल बराबरी र दुई खेलमा हार व्यहोरेको छ ।
ओलम्पिक छनौटको पहिलो चरणको खेलमा नेपालले पहिलो पटक म्यानमारको सामना गरेको थियो । पहिलो पटकको भेटमा नै नेपालले उत्कृष्ट प्रदर्शन गर्दै म्यानमारलाई १–१ को बराबरीमा रोकेको थियो ।
