२० चैत्र २०७५, काठमाडौं
स्पेनिस ला लिगा अन्तर्गत गएराती भएको खेलमा लिग लिडर बार्सिलोनामा मुस्किलले पराजयबाट बचेको छ ।
दुवै पक्षबाट गरी ८ गोलको वर्षा भएको खेलमा बार्सिलोनाले अवे मैदानमा हारको मुखमा पुगेर ४–४ को कठिन बराबरी खेलेको हो ।
बार्सिलोनाले खेलमा एकबेला १६औं मिनेटमा ०–२ को सहज अग्रता लिएको थियो । तर, ८०औं मिनेटमा पुग्दा ऊ ४–२ ले पछि परेको थियो ।
यो बराबरीपछि बार्सिलोनाले ३० खेलबाट ७० अंक बनाएको छ । यो बराबरीको फाइदा दोस्रो स्थानको एथ्लेटिको मड्रिडलाई पुगेको छ । अब बार्सिलोना र एथ्लेटिकोबीच ८ अंकको दूरी छ । यसअघि १० अंकको दूरी थियो ।
यता, भिल्लारियलले समान ३० खेलबाट ३० अंक बनाएको छ । ऊ लिगको १६औं स्थानमा उक्लिएको छ ।
