२४ चैत्र २०७५, काठमाडौं
क्लब बार्सिलोना ला लिगाको उपाधी नजिक पुगेको छ ।
गएराती भएको खेलमा दोस्रो स्थानको एट्लेटिको मड्रिडलाई २–० गोल अन्तरले पराजित गर्दै बार्सिलोना उपाधी नजिक पुगेको हो ।
घरेलु मैदानमा बार्सिलोनाको जितका लागि कप्तान लियोनल मेस्सी र लुईस स्वारेजले समान १/१ गोलको योगदान दिए ।
पहिलो हाफमा गोल रहित बराबरी भएको खेलको दोस्रो हाफमा पनि अन्त्य तिर बार्सिलोनाले गोल गर्दै खेल आफ्नो पक्षमा परेको हो ।
खेलको ८५ औं मिनेटमा स्वारेजले गाले गर्दै भरेलु टोलीलाई सुरुवाती अग्रता दिलाए ।
त्यसको एक मिनेट नबित्दै कप्तान मेस्सीले गोल गरेपछि बार्सिलोना एट्लेटिको सँग २–० ले विजयी भएको हो ।
खेलको २८ औ मिनेटमा डिएगो कोस्टा रातो कार्ड खादै मैदान बाहिरिएपछि एट्लेटिको १० खेलाडीमा सिमित बनेको थियो ।
जितसँगै बार्सिलोनाले शीर्ष स्थानमा ११ अंकको अग्रता बनाएको छ । शीर्ष स्थानको बार्सिलोनाले ३१ खेलबाट ७३ अंक जोडेको छ ।
