२४ चैत्र २०७५, काठमाडौं
आईपीएलमा क्रिकेटमा गएराति दिल्ली डेयर डेभिल्सलाई सनराइजर्स हैदारवादले ५ विकेटले पराजित गरेको छ ।
घरेलु मैदानमा टस हारेर पहिला ब्याटिङमा तानिएको दिल्लीले निर्धारित २० ओभरमा ८ विकेट गुमाउँदै १ सय २९ रन बनायो । उसका लागि कप्तान श्रीयाज इयरले सर्वाधिक ४३ रन बनाए भने अक्षर पटेल २३ रनमा नटआउट रहे ।
दिल्लीलाई सस्तैमा समेट्न भुवनेश्वर कुमार, मोहम्मद नावी र सिद्धर्थ कौलले समान २/२ तथा रासिद खान र सन्दिप शर्माले एकरएक विकेट लिए ।
१३० रनको विजयी लक्ष्य सहित मैदान उत्रिएको हैदरावादले ९ बल बाँकी छँदै ५ विकेट गुमाएर लक्ष्य भेट्टायो।
उसका जोनी ब्यरिस्टोले सर्वाधिक ४८ रनको योगदान दिए । दिल्लीमा आवद्ध नेपाली लेग स्पिनर सन्दिप लामिछाने गएराति अन्य खेलको तुलनामा महंगो सावित भए ।
उनले ४ ओभरमा १ विकेट लिएर ३२ रन दिए । जितसँगै हैदरावाद ६ अंकसहित अंकतालिकाको शीर्ष स्थानमा उक्लिएको छ ।
