२४ चैत्र २०७५, काठमाडौं
विश्व फुटबलका स्टार रोनाल्डोबिना नै मैदान उत्रिएको युभेन्ट्सले इटालियन सिरी ‘ए’ मा एसी मिलानलाई पराजित गरेको छ ।
युभेन्ट्सले घरेलु मैदानमा एसी मिलानमाथि २–१ को पूनरागमन जित निकालेको हो । चोटका कारण सुपरस्टार क्रिस्टियानो रोनाल्डो भने मिलानविरुद्धको खेलमा उत्रिएनन् ।
घरेलु मैदानमा युभेन्ट्सको पूनरागमन जितमा पाउलो डिब्याला र मोएस किनले गोल गरे । मिलानका क्रिजिस्टोफ पियाटिकले गोल गरे ।
जितसँगै युभेन्ट्सले आफ्नो शीर्षता थप बलियो बनाएको छ ।
युभेन्ट्स ३१ खेलबाट ८४ अंक जोडेर शीर्षस्थानमा रहँदा दोस्रो स्थानको नेपोलीलाई २१ अंकले पछि पारेको छ । पराजित मिलान ५२ अंकसहित चौथो स्थानमा रहेको छ ।
