लरेन सान्चेजका कारण खर्बपति बेजोसको सम्बन्ध विच्छेद

२५ चैत २०७५, काठमाडौं

टिभी एंकर लरेन सान्चेज तथा उनका पति प्याट्रिक वाइटसेलले शुक्रबार सम्बन्ध विच्छेदनको आवेदन दिएका छन् । लरेन विश्वकै धनी व्यक्ति जेफ बेजोससँगको सम्बन्धमा रहँदै खाएकी छन् । बेजोस र म्याकेन्जीको सम्बन्ध विच्छेदको सम्झौता आपसी सहमतिमा बिहीबार तय भइसकेको छ । अदालतले पनि यसको मन्जुरी दिइसकेको छ ।

लरेनका पति वाइटसेल हलिउड एजेन्सी डब्लुएमईका सिइओ हुन् । १४ वर्ष पहिले उनको सान्चेजसँग विवाह गरेका थिए । बेजोसले दुई वर्षपहिले वाइटसेलका माध्यमबाट सान्चेजसँग भेटका थिए । यसपछि बेजोससँग उनको हिमचिम बढेको हो ।

जेफ बेजोस तथा म्याकेन्जीले यसै वर्षको जनावरीमा सम्बन्ध विच्छेद लिने घोषणा गरेका थिए । २५ वर्षपहिले उनीहरुको विवाह भएको थियो । बेजोसको सम्बन्ध विच्छेदको घोषणा अघिल्लो दिन अमेरिकी म्यागेजिन द एनक्वाइडररले एक समाचारमा बेजोसको सम्बन्ध विच्छेदका कारण लरेन सान्चेज भएको दाबी गरेको थियो । याे समाचार काराेबार दैनिकमा प्रकाशित छ ।