२६ चैत्र २०७५, काठमाडौं
ईङ्लिस प्रिमियर लिगमा क्लब चेल्सी विजयी भएको छ ।
गएराती भएको खेलमा चेल्सीले वेस्ट ह्यामलाई २–० गोल अन्तरले पराजित गर्दा हाजार्ड नायक बनेका हुन । घरेलु मैदान चेल्सीलाई जित दिलाउन खेलमा भएका दुवै गोल हजार्डले गरेका हुन ।
खेलको २४ औ मिनेटमा हाजार्डले गोल गर्दै घरेलु टोलीलाई सुरुवाती अग्रता दिलाए । पहिलो हाफमा १–० गोलको अग्रता लिएको चेलसीका लागि हजार्डले दोस्रो हाफमा थप एक गोल गरेका हुन् ।
उनले खेलको अन्तिम मिनेटमा व्यक्तिगत दोस्रो गोल गर्दै टोलीलाई २–० को जित दिलाए । जितसँगै चेल्सी तालिकाको तेस्रो स्थानमा उक्लिएको छ ।
३३ खेल खेलेको चेल्सीको ६६ अंक छ । समान खेल खेलेको वेस्ट ह्याम ४२ अंक सहित तालिकाको ११ औ स्थानमा छ ।
