२६ चैत्र २०७५, काठमाडौं
आईपीएलमा कोलकता नाइट राइडर्स र चेन्नई सुपर किङ्सबीच प्रतिस्पर्धा हुँदैछ ।
पाँच खेलबाट समान अंक भएपनि रनरेटका आधारमा पहिलो र दोस्रो स्थानमा रहेका यी दुई टोलीबीच आईपीएलको २३ औं तथा आफ्नो छैटौं खेलमा प्रतिस्पर्धा हुन लागेको हो ।
चेन्नईको घरेलु मैदानमा खेल नेपाली समयअनुसार बेलुका ८ः१५ बजे सुरु हुनेछ ।
शीर्ष स्थान कब्जा गरिरहने लक्ष्यका साथ कोलकता चेन्नईको मैदानमा उत्रिँदैछ । चेन्नई सुखद् नतिजासहित शीर्ष स्थानमा उक्लिने मौका सदुपयोग गर्ने योजनामा छ ।
दुबै टोली पाँचौं जितको खोजीमा छन् ।कोलकता ८ अंकसहित शीर्ष स्थानमा छ । समान अंक रहेको चेन्नई रनरेटका आधारमा दोस्रो स्थानमा छ ।
